Archive for category: Fréttir

Heilsutengd lífsgæði fyrir einstaklinga í þjálfun og íþróttum. Fyrirlesturinn er um næringu og lífsstíl. Fjallað verður um mikilvægi þess að nærast rétt eða sem best fyrir hvern og einn einstakling miðað við verkefni og markmið hverju sinni.

Fyrirlesarinn er að þessu sinni Elísabet Reynisdóttir, næringarfræðingur hjá Sjúkraþjálfuninni Sporthúsinu. Hennar sérgrein er næring og heilsutengd lífsgæði. Hún hefur sérhæft sig í að tengja andlegri, félagslegri og líkamlegri vellíðan við góða næringu. Hún mun svara nokkrum spurningum í fyrirlestri sínum:

• Hvað er það sem skiptir máli og hefur áhrif á andlegt og líkamlegt heilbrigði okkar?
• Skiptir næring í þjálfun máli?
• Getur næring aukið árangur í þjálfun? Þá hvernig næring?

Líflegur, fræðandi og skemmtilegur fyrirlestur sem er fyrir alla!

Staðsetning: Salur 9 í Sporthúsinu, Dalsmára 9–11, 201 Kópavogi
Hvenær: Þriðjudagskvöldið 24. október kl. 21.00
Verð: Frítt

Íslenska sjávarútvegssýningin.

Verður haldin dagana 13 – 15 september í Smáranum.  Við bendum fólki á að það getur tekið tíma að finna  bílastæði þessa daga.

Elísabet er komin úr sumarfríi og við erum byrjaðar að taka við bókunum. 

Hægt er að bóka tíma með að senda tölvupóst á sjukrathjalfunin@sporthusid.is eða hringja í 564 4067

 

Þann 1. maí tók gildi nýtt greiðsluþátttökukerfi vegna heilbrigðiþjónustu.

Markmiðið með því er að lækka útgjöld þeirra einstaklinga sem þurfa mikið á heilbrigðisþjónustu að halda og hafa greitt háar fjárhæðir fyrir þá þjónustu.

Í nýju greiðsluþátttökukerfi mun enginn greiða meira en ákveðna hámarksfjárhæð í hverjum mánuði fyrir heilbrigðisþjónustu.
Þessar fjárhæðir eru tilgreindar í nýrri reglugerð um hlutdeild sjúkratryggðra í kostnaði vegna heilbrigðisþjónustu.

Á heimasíðu Sjúkratrygginga Íslands www.sjukra.is er hægt að fylgjast með greiðsluþáttöku.